Edicioni i 62-të i Festivalit të Këngës në Radio Televizionin Shqiptar ka përfunduar më 22 dhjetor.
22 finalistë u ngjitën në skenën e madhe të Pallatit të Kongreseve, për të interpretuar këngët e tyre konkurruese, shoqëruar nga orkestra e RTSh-së.
Fitues i këtij edicioni i shpall këngëtari i ri nga Kosova, Mal Retkoceri me këngën “Çmendur”.
Kjo është pjesëmarrja e parë e Malit në këtë festival, por edhe debutimi i tij i parë në muzikë.
Kënga është një kompozim i tij.
Mal Retkoceri i cili është arkitekt me profesion, teksa është i njohur si djali i këngëtares së njohur Violetë Kukaj. Në fjalën e tij pas fitores, ai u shpreh i emocionuar dhe falënderues.
“Shumë faleminderit, shumë faleminderit jurisë. Këngën e kam bërë prej zemrës. E kam interpretuar prej perspektivës së një personi që e dua shumë, prej nënës sime. E kam shkruar për të gjithë ata persona që janë të shkelur prej personave të tjerë dhe që i përdorin për sende personale të tyre. E mira dhe e vërteta, del”, ka thënë ai.
- -Me Çmim të dytë në Fest’62 u vlerësua këngëtari Tiri Gjoci me këngën “Në ëndërr”.
- -Fitues për Çmimin e Kritikës është Martina Serreqi me këngën “Vetëm ty”.
- – Fitues si Debutuesi më i mirë është Peter Pan Quartet me këngën “Edhe një herë”.
- -Me Çmimin e tretë të Festivalit të Këngës u vlerësua këngëtari Shpat Deda me këngën “S’mund të fitoj pa ty”.
Anëtarët e tjerë të jurisë ishin: këngëtarët Aleksandër Gjoka, Adelina Ismaili, Fitnete Tuda, Indrit Mesiti, shkrimtarja dhe përkthyesja Helena Kadare, poetja Nasha Lako, Victor Van Vought (producent muzikor), Zana Shuteriqi (muzikologoe, pedagoge),pianistja Anila Aliu dhe Shkumbin Ahmetxheka (drejtor i RTK).
