Gjatë një lidhjeje telefonike në emisionin “Goca dhe Gra”, Bes Kallaku ka thyer më në fund heshtjen duke zbuluar disa detaje rreth këngëve të tij më të fundit.
Ndër të tjera, ai pranoi hapur se tekstet e këngëve janë shkruar nga ai, si një frymëzim personal.
Ja çfarë ka thënë ai kur u pyet për tekstet, planet e tij me muzikën si dhe bashkëpunimet e fundit:
“Projektet e mija janë stopuar për momentin, në televizione, deri në sezonin e ardhshëm. Tani patjetër që jam fokusuar tek këngët, unë e kam thënë që nuk jam këngëtar.
Po them gjithçka në lidhje me këngën, unë kam bërë krijimin e teksteve dhe mund ta quaj frymëzim personal.
Mirë më ka shkuar me këngët sepse këngët më kanë sjellë shumë koncerte. Me Eli Malaj-n kanë rezultuar të suksesshme, ajo është një artiste dhe njeri i mrekullueshëm.
Eli ka një zë të jashtëzakonshëm që del prej shpirtit. Përveçse artiste, ajo është një njeri i mirë. Eli i ka të gjitha.”
