Këngëtarja Rozana Radi dhe aktori i dashur shqiptar, Robert Ndrenika njihen me njëri-tjetrin prej vitesh, që në kohën kur Rozana ishte një vajzë e vogël. Kjo vjen prej faktit se babai i ndjerë i këngëtares dhe Robert Ndrenika kanë patur një miqësi të fortë me njëri-tjetrin. Ndaj ditën e sotme Rozana vendosi t’i kushtonte të madhit Robert Ndrenika disa fjalë shumë emocionuese. Në ‘Instagram’-in e saj Rozana ka postuar dy fotografi ku shihet duke përqafur Robert Ndrenikën. Në njërën prej fotove shkruhej: “Një nga miqtë më të mirë të babait tim. Dikur më këshillonte ndërsa sot më shtrëngon dorën. Xhaxhi Berti vazhdoj ta thërras ende. Unë për të do të mbetem gjithmonë e vogla e Nandit!”.
Ndërsa në fotografinë tjetër Rozana kishte shkruajtur: “Artistët e mëdhenj kanë një buzëqeshje që kur i shikon ta ndryshojnë ditën.” E me këto fjalë të fundit të shkruara nga këngëtarja me siguri të gjithë bini dakord, sepse një artist si Robert Ndrenika vazhdon ende sot e kësaj dite t’i falë Shqipërisë “thesare të paçmueshme” me artin e tij. /revistawho.com
