Dedikimi prekës i Ledinës për të ëmën

Këngëtarja e njohur shqiptare, Ledina Çelo, në profilin e saj të “Instagramit” ka shkruar një dedikim prekës për mamanë e saj të ndjerë. Vihet re dhimbja dhe mungesa që ka lënë tek e bija, Ledina, sot në ditën e ditëlindjes së saj. Ajo shkruan për të : “ Më mungon shumë nëna ime e shtrenjtë. E unë ta dedikoj ty mbretëresha ime atë çka unë jam sot. Kam kohë që nuk e dëgjoj zërin tënd të ngrohtë, këshillat e tua të vyera, kur vija kokën në prehërin tënd, e kjo më jep trishtim…! Jam e lumtur që ëngjëllit, vajzës sime i kam dhënë emrin tënd, e më duket se je e pranishme orë e çast pranë nesh. Jam e lumtur që u rrita e u edukova nga një mbretëreshë si ty nëna ime e dashur, që më dhe virtytet më të mira e pozitive, që gjërat negative që ekzistojnë në këtë botë mi përktheve në dashuri , e përbuzjen e të keqen në mirësi. Të falenderoj nga thellësia e zemrës për atë që më transmetove e për atë që unë jam. Të dua shumë nëna ime e shtrenjtë….”