Ka kaluar vetëm pak kohë kur Kryeministri i Shqipërisë Edi Rama ishte i ftuar në emisionin “6 ditë pa Ermalin”. Mamaqi në rolin e prezantuesit të këtij emisioni, i ka kërkuar një “nder” Kryeministrit të Shqipërisë. Bëhej fjalë për lidhjen e një pensioni të veçantë për familjen e këngëtarit të ndjerë Dr Flori. Mesa duket kërkesa nuk ka shkuar në vesh të shurdhër. Sot me një vendim qeverie, familjes Kondi i është lidhur një pension i veçantë i përmuajshëm me vlerën 450.000 – 500.000 lekë. Kjo vlerë do të mbahet nga buxheti i Institutit të Sigurimeve Shoqërore. Ky vendim hyn në fuqi menjëherë, botohet në Fletoren Zyrtare dhe shtrin efektet financiare nga data 1.4.2016.
