Deklarata e papritur e Ermal Mamaqit: Do bëj këngë me Noizyn

Drejtuesi i “Xing” Ermal Mamaqi vitet e fundit e ka përqendruar karrierën e tij kryesisht tek puna në televizion. Por nga ana tjetër ai nuk është shkëputur kurrë përfundimisht nga muzika. Kujtojmë këtu bashkëpunimet e tij me kantautorin e ndjerë Dr. Flori e më vonë edhe duetin me këngëtarin Klajdi Llupa. Sonte Mamaqi deklaroi në programin e tij se një tjetër bashkëpunim është në horizont. Ai tha se do të bëjë këngë me Noizyn. Sigurisht që tani dihet se suksesi është i garantuar duke qenë këta dy artistë ndër personazhet më të suksesshëm shqiptarë.