Bëri shumë bujë deklarata e drejtuesit të “Zonë e Lirë”, Arian Çani kur tha se kishte vendosur të largohej nga Shqipëria. Fjalët e Çanit u shndërruan në lajmin më të lexuar të disa ditëve më parë. “Së shpejti nga ky vend do largohem. Kush nuk e kupton që ky vend po shkon keq e më keq është naiv. Këtu nuk mund të rriten fëmijët”, tha Çani. Por largimi i tij nënkupton edhe mbylljen e emisionit të tij “Zonë e Lirë”, një format që me gjasa nuk mund ta bëjë askush tjetër si Çani.
Megjithatë, a do të ndodh kjo vërtetë? “Prive” citon burime pranë prezantuesit, sipas të cilave as Çani nuk do të largohet dhe as “Zonë e Lirë” nuk do të mbyllet. “Deklarata ka qenë thjesht prononcim i thënë për shkak të mllefit mbi qeverinë e Ramës dhe jo plan i menduar mirë”, kanë sqaruar burimet.
