Një përzierje e alkolit me disa lloje droge ka shkaktuar vdekjen e vajzës së yllit të muzikës botërore Whitney Houston, e cila ka mbetur pa jetë si pasojë e mbytjes. 22-vjeçarja Bobby Kristina Brown pati një vdekje shumë të ngjashme me atë të nënës së saj. Sipas rezultateve të autopsisë të kryera mbi trupin e të resë, ajo ka gjetur vdekjen pasi ka lëshuar fytyrën mbi ujë, në vaskën e banjës në 31 janar 2015. Në ato çaste Brown ishte nën efektin e alkookit të përzier me disa substanca narkotike si marijuanë, benzodiazepine dhe morfinë. Ajo çka nuk është mundur të përcaktohet nga autopsia është nëse kjo ka qenë apo jo e qëllimshme. Pra nuk dihet nëse vajza e këngëtares ka dashur të vrasë veten. Rezultatet e autopsisë së Bobbi Kristina-s janë mbajtur sekrete deri më tani pasi mendohej se publiciteti mund të ndikonte në hetime, për të kuptuar nëse i dashuri i saj Nick Gordon ishte e përfshirë në vdekjen e saj.
Del autopsia, vajza e Whitneyt Houston u mbyt pasi piu alkol, kokainë e morfinë
