Del në shitje shtëpia më e shtrenjtë në botë

Shtëpia më e shtrenjtë në botë ka dalë në shitje dhe kushdo mund ta blejë atë…. nëse ka 1 miliard euro. Bëhet fjalë për vilën e ndërtuar nga Mbreti Leopold II i Belgjikës. E ndodhur në brigjet e Nisës, nga ajo mund të shijosh ajkën e klimës së Mesdheut, por nuk është vetëm klima që shitet për 1 miliardë euro. Vila ka 10 dhoma gjumi, disa pishina, njëra prej të cilave me përmasa olimpike dhe 15 hektarë pemë e bimë të të gjitha llojeve që e rrethojnë. Veç këtyre janë edhe 6 hektarë të tjerë kopësht, për të siguruar fruta dhe perime të freskëta. E njohur si “Le Cedres”, prona është e Suzanne Marnier-Lapostelle, e dinastisë së pijëve alkoolike “Grand Marnier”. Kjo e fundit u ble nga kompania prodhuese tjetër e pijeve, “Campari”, që bashkë me këtë fitoi në muajin mars edhe pronësinë e vilës, që tashmë e ka nxjerrë në shitje. Zona ku ndodhet vila konsiderohet si e dyta më e shtrenjtë në botë pas Monakos, po në Francë.