Pas muajsh pritjeje, fansat e Luiz Ejllit dhe Kiara Tito mund të festojnë: trailer-i i filmit të tyre të parë së bashku është publikuar. Çifti shpërndau fragmente të shkurtëra nga skenat më intensive përmes profileve të tyre në Instagram, duke ndezur menjëherë rrjetet sociale.
Megjithëse detajet rreth temës dhe zhanrit mbeten të ruajtura sekret, pritet një përzierje e dashurisë, pasionit dhe humorit, duke pasur parasysh kiminë natyrale mes Luizit dhe Kiarës.
Çifti konfirmoi edhe datën e premierës: Shkurt 2026. Ky muaj i dashurisë do të shndërrohet kështu në një festë të dyfishtë për të gjithë adhuruesit e tyre.
