Demi Lovato festoi ditëlindjen e saj të 30- të shtunën duke zyrtarizuar në Instagram lidhjen me të dashurin e saj të ri, Jute$. Këngëtarja dhe muzikanti emri i vërtetë i të cilit është Jordan Lutes pozuan për një seri fotosh në Instagram me rastin e ditëlindjes së Lovatos. Në një postim në Instagram, Jute$ shkroi fjalët më të bukura për Demin duke e emocionuar pa masë.
“Gëzuar ditëlindjen baby. je një 30-vjeçare mistrece dhe unë jam djaloshi më me fat në botë, sepse mund të të quaj timen. Të bëj ty të qeshësh është bërë fiksimi im i ri, sepse buzëqeshja jote shëron depresionin tim. Unë jam shumë krenar për ty që jo vetëm i mbijetove gjithçkaje që ke kaluar, por dole në krye dhe u bëre version më i shëndetshëm, i lumtur dhe i ëmbël i vetes. Kjo e tëra je ti, baby… Unë jam këtu vetëm për të të mbështetur dhe për të bërë shaka kur është e nevojshme. Je më shumë se muzika jote, më shumë se zëri yt, më shumë se një fytyrë e bukur. Je gjithçka. të dua”, shkroi muzikanti.
Në komente, Lovato iu përgjigj postimit të Jute$ duke shprehur dhe ajo dashurinë për të.
“Jam shumë mirënjohëse që mund të të quaj i imi sepse nuk kam qeshur kështu në jetën time, kurrë nuk kam buzëqeshur kaq shumë dhe zemra ime është vazhdimisht kaq e mbushur me dashuri me ty. Ky postim, ky shkrim… si mund të jesh i vërtetë?! Të dua zemër… kaq shumë”, u përgjigj Lovato.
View this post on Instagram
