Prej kohësh, Bebe Rexha është vënë në qendër të mediave për pamjen e saj pasi shumë ndjekës sidomos në rrjete sociale e kanë ofenduar në mënyra të ndryshme për kilet e tepërta. Kjo nuk është hera e parë që këngëtarja përballet me bullizëm, por jo në të tilla nivele. Megjithatë, ajo nuk ka ndërmend të dorëzohet, të paktën kështu duket. Së fundmi ajo ka publikuar foto dhe video nga vizita dhe performanca në Francë, duke lënë të kuptohet se kritikat që lidhen me trupin e saj nuk e shqetësojnë fare.
https://www.instagram.com/p/By5RhNUFGud/
Demi Lovato ka përfituar nga një prej këtyre postimeve për të shprehur mbështetjen e saj për Bebe Rexhën publikisht. “Ti je e mrekullueshme, e fortë, origjinale dhe një inspirim për mua dhe shumë të tjerë. Faleminderit që je vetja dhe je kaq femër e bukur. Të dua”,-ka komentuar ajo në një prej fotove.
Kujtojmë se edhe Lovato ka pasur probleme të ngjashme në të shkuarën, madje, bullizmi ishte një nga arsyet pse nisi përdorimin e lëndëve të ndaluara dhe pati probleme serioze me shëndetin për vite me radhë. / revistawho.com
