Që në fillimet e karrierës Demi Lovato ka ‘vuajtuar’ problemin e trupit të saj. Ajo ka qenë gjithmonë e mbushur dhe është përballur me njerëz dhe me një shoqëri që nuk e kanë pranuar lehtë këtë gjë. Së fundmi, ajo ka treguar se ka mposhtur frikën e saj më të madhe duke publikuar një foto ku shfaqet me bikini, një foto pa ‘photoshop’. “Jam lodhur duke pasur turp nga trupi im, duke modifikuar fotot, në mënyrë që të tjerët të pranojnë që unë jam idea e tyre e perfeksionit. Dua që ky kapitull i ri i jetës time të jetë për mua, për atë që unë jam dhe jo për atë çfarë të tjerët presin të jem”, ka shkruar Demi krahas fotos së publikuar. Ajo e ka përfunduar shkrimin e saj me fjalët: “Shpresoj që të inspiroj dikë që të dashurojë trupin e tyre sot”. Ky postim dhe këto fjalë janë vlerësuar shumë nga fansat e këngëtares së njohur, të cilët nuk i kanë kursyer komentet pozitive. Kujtojmë se pak kohë më parë, Lovato u shtrua në spital për shkak të një overdose me lëndë të palejuara, por duket se me ndihmën e njerëzve të saj më të afërt, ajo po e merr veten plotësisht./revistawho.com
https://www.instagram.com/p/B2DLlZ4BfgP/?igshid=i0189fz15dgk
