Demi Lovato prej disa ditësh qëndron në spital për shkak të gjendjes së rënduar nga overdoza. Ky ka qenë një nga momentet më të vështira për të, sepse këtë herë jeta e saj ishte në rrezik. Megjithatë për shkak të përkushtimit të mjekëve dhe njerëzve të saj të afërt, Demi ja doli mbanë.
Me anë të një mesazhi të gjatë në ‘Instgram’ ajo foli hapur për të gjithë fansat e saj dhe premtoi se do të vazhdojë të luftojë fort. “Gjithmonë kam qenë transparente për rrugëtimin tim me varësinë ndaj drogës. Ajo çfarë kam mësuar është se kjo sëmundje nuk është diçka që zhduket ose zbehet me kohën. Është diçka që duhet ta mposht dhe nuk e kam arritur ende”, – ka shkruar këngëtarja. Më pas Demi nuk harroi të falenderonte Zotin që vazhdon ta mbajë në jetë, të gjithë fansat për mbështetjen, familjen dhe stafin mjekësor. Ajo tha se tani i nevojitet kohë për t’u shëruar dhe për t’u kthjelluar. Pas mesazhit të saj, nuk munguan edhe shumë komente pozitive dhe mbështetëse nga të gjithë personazhet e njohur. /revistawho.com
