Këngëtarja e famshme, Demi Lovato pas një periudhe të vështirë me varësinë nga substancat e ndaluara ka vendosur të marrë pak kohë pushim për të udhëtuar dhe të zbulojë më shumë rreth vetes. Së fundmi ajo ka fluturuar drejt Izraelit për të cilin shprehet se është një nga vendet më të bukura që ka vizituar. “Unë jam këngëtare amerikane, jam rritur si e krishterë dhe kam paraardhës hebre. Kur m’u ofrua mundësia për të vizituar një nga vendet më interesante, dhe të mund të njoh ato vende që kam lexuar në bibël duke u rritur, thashë menjëherë ‘Po’. Nuk kam ndjerë kurrë një lidhje shpirtërore kaq të madhe me Zotin, diçka që më kishte munguar për vite të tëra. Ky udhëtim ka qenë kaq i mire për shëndetin, zemrën dhe shpirtin tim. Faleminderit që më prite Izrael”, shkruan ajo. Kohët e fundit Demi është komentuar gjithashtu edhe për një lidhje dashurie me Mike Johnson të cilën asnjëri prej tyre nuk e ka konfirmuar ende.
