Demi – Ky muaj sjell potencialin për dramë, por për sa kohë që ju mbushni muajin tuaj me shumë kohë për veten, deri në fundin e nëntorit, do të jeni një Dem shumë më i lumtur. Keni leje të plotë për të vazhduar t’i jepni përparësi shëndetit dhe mirëqenies, sepse ka dy ngjarje kozmike stresuese përpara. Të shtunën, më 5 nëntor, planeti juaj sundues, Venusi kundërshton Uranin, si rezultat mund të ndiheni pak në ankth këtë fundjavë. Nëse ndiheni të mbingarkuar dhe nuk jeni të sigurt përse, mbështetuni në teknikat e vetë-qetësimit në vend që të shkarkoni stresin e yjeve tek ata përreth jush. Dukuri më domethënëse kozmike për të cilën duhet të jeni të vetëdijshëm është hëna e plotë dhe eklipsi hënor në shenjën tuaj, të martën më 8 nëntor. Eklipset janë të bukura por edhe të fuqishme dhe mund të sjellin përfundime të papritura. Nëse po zvarritni këmbët në një punë, marrëdhënie ose marrëveshje mos u habitni nëse ky eklips e bën këtë për ju. Mund të minimizoni çdo stres të lidhur me eklipsin duke vazhduar t’i jepni përparësi mirëqenies dhe pushimit dhe duke njohur dhe pranuar fushat e jetës suaj që janë gati për një përmirësim. Çfarëdo që të ndodhë gjatë eklipsit, kuptoni se yjet duan që ju të merrni dashurinë që meritoni. Edhe nëse grindeni me një partner ose mik, ose i jepni fund një marrëdhënieje, kuptoni që gjithçka ju drejton drejt lumturisë më të shëndetshme. Të martën, më 15 nëntor, planeti juaj sundues, Venusi hyn në sektorin tuaj të transformimit. Pranoni që jeta juaj e dashurisë po ndryshon. Ndryshimi mund të jetë sfidues, por disa javë nga tani, do kuptoni që jeni në rrugën e duhur. Në22 nëntor, nivelet tuaja të stresit ulen. Fillon një cikël i ri. Pra, nëse jeni duke shkëmbyer mesazhe me një partner të ri ose duke u përshtatur me stabilitetin e një marrëdhënieje afatgjatë që është rritur kohët e fundit, lejojini vetes të shijoni kënaqësinë.
Virgjëresha – Muajin e kaluar, një eklips solli dramë, por ju shmangët zënkat ose përplasjet duke u mbështetur në metodat tuaja të preferuara vetë-qetësuese. Lajmi i keq është se e marta e 8 nëntorit sjell një hënë të plotë dhe një tjetër eklips. Për shkak se eklipset shoqërohen me përfundime të papritura, është e mençur të vazhdoni t’i jepni përparësi kujdesit për veten për të shmangur çdo grindje të vogël me miqtë ose partnerin. Lajmi i mirë është se ju keni një justifikim për të refuzuar ftesat për festë dhe për të ndenjur në shtëpi. Kujdesi për veten është miku juaj më i mirë gjatë sezonit të eklipsit. Do të jeni mirënjohës nëse festuat për Halloween muajin e kaluar, sepse nëntori ju sheh më të interesuar për të kaluar kohë në shtëpi. Virgjëreshët janë shumë të talentuar për të qëndruar jashtë vëmendjes, ju vlerësoni kohën vetëm. Në 15 nëntor, prisni ndryshime në jetën tuaj të dashurisë. E thënë thjesht, do jeni të lumtur nëse keni një marrdhënie dhe nëse jeni beqarë, kjo është një kohë e dobishme astrologjikisht për të kuptuar që kjo është më e mira për ju. Në 17 nëntor, jo vetëm që do ta keni të lehtë të identifikoni nevojat tuaja që kanë të bëjnë me dashurinë dhe jetën tuaj në shtëpi, por do të jeni në gjendje t’i ndani ato me të tjerët me besim. Edhe pse nuk ka më eklipse për t’u shqetësuar për pjesën tjetër të muajit, vazhdoni të kujdeseni për veten. E mërkura e 23 nëntorit sjell një hënë të re, një kohë ideale për të vendosur qëllime dhe për të nisur një cikël të ri. Shfrytëzojeni këtë natë për të medituar se si dëshironi t’i kaloni pushimet. Këtë vit, ju po ndiheni më të rritur se kurrë. Veproni si i tillë duke i kushtuar kohën tuaj këtë sezon festash njerëzve që ju ndërtojnë dhe ju bëjnë aktivisht të ndiheni të dashuruar. Kënaquni, mbani kufijtë tuaj dhe shihemi muajin tjetër.
Bricjapi – Muajin e kaluar, planeti juaj sundues, Saturni, i dha fund retrogradit të tij dhe si rezultat, ju u fokusuat në gjetjen e ekuilibrit punë/jetë. Mos harroni se sa më të lumtur të jeni në shtëpi, aq më mirë do të ndiheni në të gjitha fushat e jetës suaj. Por kur e marta, 8 nëntor, sjell një hënë të plotë dhe eklips hënor, hiqni mendjen nga listat e detyrave dhe përpiquni të argëtoheni. Zakonisht, astrologët këshillojnë njerëzit që të kalojnë kohë vetëm, sepse eklipset mund të shkaktojnë dramë. Por ju përdoreni këtë kohë për të bërë dashuri me një partner ose për ta trajtuar veten në mënyrë sensual. Nëntori është një muaj për rikalibrim. Në 15 nëntor, ju e gjeni veten duke parë qasjen tuaj ndaj dashurisë. Gjëja më e mirë që mund të bëni në jetën tuaj të dashurisë është të bëheni më shprehës. Në 17 nëntor, do të jeni më në gjendje t’i ndani ndjenjat tuaja me partnerin tuaj. Kjo përfshin komunikimin verbal, por gjithashtu mund të nënkuptojë forma të ndryshme të të shprehurit, të tilla si dashuri fizike ose gatimi i një vakti të këndshëm. Nëse të qenit beqar është ajo që ju nevojitet ose dëshironi tani, planetët ju kërkojnë të jeni të sinqertë për këtë fakt me veten tuaj. Keni tendencë të keni para në mendje, edhe në netët e pushimit. Një datë e rëndësishme për t’u shënuar në lidhje me karrierën tuaj është e premtja, 18 nëntor. Ju jeni dikush që shpesh keni nevojë për rezultate për të qëndruar i motivuar, Bricjap. Mund të jeni ndjerë sikur po ngjiteni në një kodër të pafund, por nga 22 nëntori do shihni frytet e punës suaj, qoftë kjo vlerësim kritik për një projekt krijues, reagime pozitive nga shefi juaj, apo komplimente të ëmbla nga një partner. Jepni të njëjtën dhuratë duke shprehur vlerësimin tuaj për njerëzit e rëndësishëm në jetën tuaj.
REVISTAWHO/Nuk lejohet ribotimi pa lejen e redaksisë!
