Jemi mësuar ta shohim gjithmonë në formë të mirë fizike dhe të kuruar në çdo dalje të tij televizive. Në fotot apo videot që prezantuesi Arjon Muça publikon herë pas here në rrjetet sociale duket shumë i dhënë pas palestrës dhe stërvitjes. Por jo gjithçka ka shkuar mirë për të. Ish-banori i “Big Brother Albania” ka dëmtuar këmbën dhe si rrjedhojë e mungesës së stërvitjes sistematike ka shtuar 25 kilogramë.
Sot Arjoni ka vendosur të nisë një sfidë të re me veten, pasi ka vendosur ti rikthehet dietës, duke i premtuar edhe ndjekësve të tij se do të publikojë gjithçka që do të konsumoj çdo ditë derisa të arrijë rezultatin e duhur.
“Nuk më ka pëlqyer ndonjëherë të viktimizohem por pasi pësova një dëmtim të rëndë në këmbë që më mbajti 9 muaj në shtrat, ky dëmtim më katandisi + 25 kilogramë. Nuk e njoha më veten dhe pasi vendosa të rifilloja stërvitjen nuk isha më 100% vetvetja, motivimi nuk ishte më si para operacionit. Isha i bllokuar mendërisht dhe shpirtërisht,justifikohesha pas problemit të këmbës por kuptova që ishte thjesht një justifikim dhe isha unë që nuk po gjeja më rrugën e duhur.
Sot të dashur miq,vendosa t’i rikthehem përsëri dietës dhe përqëndrimit mendor dhe fokusit personal për t’u rikthyer më në formë se kurrë. Do më duhet shumë punë, por gjithsesi ndihem i motivuar pasi dua ta bëj këtë udhëtim me ju. Do ndaj me ju çdo ditë çka do ha dhe ushtrimet në palestër për t’u rikthyer në formë. Jam i gatshëm t’ju përgjigjem çdo pyetjej që keni.”- ka shkruar Arjoni bashkangjitur fotove të tij të publikuara në “Instagram” ku duket qartë ndryshimi në trupin e tij.
Tani do ndjekim hapat që prezantuesi do të ndjekë për të arritur në formën e duhur fizike, siç jemi mësuar ta shohim gjithmonë./revistawho.com
https://www.instagram.com/p/BhW-ss0jPMy/
