Fuqia e rrjeteve sociale po bëhet gjithnjë e më e madhe. Aty po denoncohen fenomene nga më të ndryshmet që ndodhin në përditshmërinë tonë. Skandali më i fundit ka ndodhur në rrjetin social Snapchat, ka bërë që jeta sociale e një modeleje të ndryshonte sa hap e mbyll sytë.
Modelja Dani Mathers publikoi foton e një gruaje zhveshur, të sapodalë nga dushi i një palestre, duke e shoqëruar me një frazë tallëse për fizikun e saj: ” If I can’t unsee this than you can’t either”( Nëse unë nuk mund ta shoh këtë , as ju nuk mundeni). Për ta vazhduar më tej, modelja e shoqëroi foton me një të sajën, në të cilën shfaqet duke mbyllur gojën, duke treguar kështu neveri dhe lemeri.
Por fansave të aktores duket se nuk i ka pëlqyer kjo shaka pa krip. Pasi mijëra përdorues të këtij rrjeti social, i kanë dal në mbrojtje gruas dhe e kanë kritikuar rëndë qëndrimin e modeles. Pas kësaj Fittnesi në LA, ku Mathers ishte e antarësuar ia ka ndaluar hyrjen, madje policia lokale ka nisur një hetim për përhapje të imazheve private ku modelja mund të dënohet me gjobë madje edhe me burg.
Nisur nga presioni social, modelja 29 vjeçare me mijëra ndjekës, ka kërkuar falje nëpërmjet Twitter dhe Facebook, por kjo gjë nuk i ka qetësuar fansat, gjë që e ka detyruar modelen të mbyll profilet e saj në rrjetet sociale.
