Për herë të tretë qeveria ka akorduar një fond shtesë për shpenzimet e kurimit të deputetit socialist dhe ish-kryeministrit, Bashkim Fino. Në vendimin e sotëm u miratua një VKM që akordon 2 240 000 mijë lekë, (njëzet e dy milionë e katër qind mijë leke të vjetra) për kurimin e Finos. Siç raporton sot “Lapsi.al”, më herët për ligjvënësin socialist janë dhënë dy fonde të tjera 560 000 dhe 1,1 milion lekë. Kjo shumë do të përballohet nga Fondi i Sigurimit të Detyrueshëm i Kujdesit Shëndetësor, ndërsa pagesa do të bëhet me paraqitjen e faturave origjinale të institucionit të kurimit. Bashkim Fino ndodhet në Itali ku po qëndron në një spital për shkak të një sëmundje. Kjo e fundit e ka larguar Finon nga jeta politike dhe parlamentare.
Deputeti i sëmurë, qeveria jep 22 milionë të tjera për kurimin e Bashkim Finos
