Deputeti kaubojs i dhuron diamante gruas: Më fal që hyra në politikë

Eduart Ndocaj ose i njohur ndryshe si deputeti kaubojs, i ka bërë një dedikim dhe dhuratë të veçantë bashkëshortes së tij me rastin e ditëlindjes. Ai i ka dhuruar një komplet me diamantë dhe i ka kërkuar falje për mërzinë që i ka shkaktuar asaj kur hyri në politikë. “Kam 20 vjet që të bëj dhurata për ditëlindje dhe çdo vit më jep motiv më shumë të jem me ty. Ke 20 vjet që më gëzon çdo mëngjes dhe mbrëmje dhe çdo minutë, sa herë hap sytë dhe të kam pranë ty. Jeta ime ka qenë e ngopur me dashurinë që më ke dhuruar, me 3 yjet e jetës sime Ilenia, Eda, Kevin. Të dua pa asnjë mëdyshje edhe pse të kam mërzitur kur hyra në politikë pa dëshirën tënde, por gjithmonë më ke mbështetur. Je aq e dashur sa më do edhe me këtë padrejtësi që të kam bërë fëmijëve dhe ty duke ju dhënë pak nga koha jone e çmuar edhe politikës e njerëzve në nevojë për pak mirësi . Të dua dhe të uroj plot dashuri përvjetorin tënd. Të uroj shumë lumturi në jetë!”- shkruan ai në profilin e tij.