Dermatologia e Kendall tregon si pastroi lëkurën e modeles nga aknet, ja gabimet që bëjmë të gjithë

Kendall Jenner është dëgjuar për betejën e saj të dikurshme me aknet. Është vështirë ta besosh tani, por supermodelja dhe fytyra imazh e Estée Lauder ka treguar që nga gjendja e fytyrës është ndier e refuzuar, derisa u njoh me dermatologen Dr. Kidd. Tre vjet terapi me lazer dhe një rutinë e kujdesshme për lëkurën ia kanë pastruar plotësisht fytyrën dhe Kendall ka publikuar disa informacione për lëkurën e saj, online, sepse jo të gjithë kanë buxhetin e saj për të lënë një takim te kjo dermatologe.  Nëse vuani nga aknet, Dr. Kidd thotë që ka të bëjë më shumë me atë që nuk bëhet sesa me atë që bëhet. “Nuk kam dashur kurrë që ta lash fytyrën me diçka gërryese”, thotë ajo në videon e publikuar në website-in e Kendall-it. “Të mos përdorësh scrub, as furçë rrotulluese, as copë. Duhet ta trajtosh shumë butësisht dhe thjesht ta lash shumë mirë me duar.”Shumë njerëz që vuajnë nga aknet, të dëshpëruar që nuk i largojnë dot, përdorin metoda të ashpra pastrimi, por ky kujdes mund t’i rëndojë ato. E thjeshta është më e mira, thotë Dr. Kidd. “Shpesh zbuloj që pacientët e mi kanë blerë dhe përdorin shumë më tepër produkte nga ç’duhet, që e bën lëkurën e tyre dhe më keq”, ka thënë ajo për Seventeen.com. Sipas saj nuk duhen përdorur furçat pastruese sepse duke përdorur gërryerjen mbi aknet mund të rrisësh inflamacionin e puçrrës, duke e përkeqësuar atë, ose, edhe më keq, copat si peshqirë për pastrimin e fytyrës, të cilat gjithashtu mund të jenë shumë të forta dhe të përhapin bakteret. Kështu, përdor vetëm pastruesit, kremrat dhe maskat e buta, por megjithatë me efekt, duke vazhduar me hidratantë që kontrollojnë yndyrën dhe nuk bllokojnë poret. Lazerat dhe vizitat te dermatologët janë fakultative./revistaclass