Me siguri e keni hasur të gjithë “zhurmën” mediatike që erdhi menjëherë pas publikimit nga Bardhi i projektit të tij më të ri muzikor titulluar “Qikës Tem”.
Rreshtat ku Bardhi shpreh hapur shqetësimin rreth problemeve ekonimike që ka kaluar së fundmi bënë bujë kudo.
Siç duket, pas të gjithë zhurmës mediatike Bardhi është ndjerë “i detyruar” për të dhënë një sqarim nëpërmjet një postimi në llogarinë e tij në Instagram.
“Duke parë shqetesimin tuaj te vazhdueshëm për situatën time financiare dhe dashamirësinë tuaj ndihem i obliguar t’iu them se familja ime e ka kaluar prej shumë muajsh situatën e përshkruar në kangën e vajzës.
Nëse kjo kangë do ishte përdorur si viktimizim do e kisha lansuar në muajin Prill ose Maj kur vështirësitë ishin aktuale, por unë mendoj që arti i mirë gjithmonë duhet me hap debate dhe me kriju pyetje.
Jam mëse krenar për rreshtat që i kom shkru në këtë kangë për vajzën time sepse mendoj që çdo fëmijë mënyrën më të mirë për të mësuar diçka e ka nëpërmjet eksperiencave të prindërve.
Ju dua shumë, Elhamdulilah prej Zotit jemi shumë mirë e Zoti ju rujt t gjithve,” shkruan ai
