Fjoralba Ponari është një prej moderatoreve më të dashura shqiptare. Ajo është shumë aktive në “Instagram”, aty ku herë pas here bën dhe intervista virtuale me ndjekësit e saj.
Së fundmi ajo ka postuar një video në “Youtube” ku u përgjigjet pyetjeve të ndryshme që ka marrë nga ndjekësit e saj. Një ndër pyetjet që iu bë ishte se cili është një momentin që e ka prekur më shumë dhe i ka lënë gjurmë në jetë dhe ajo përmendi një fragment nga projekti i saj “Më thuaj një dëshirë”.
“Momentet që më kanë prekur kanë qenë shumë sepse realiteti shqiptar është i hidhur. Ndoshta do veçoja një ngjarje që është edhe e freskët në kujtesën time. Gjatë realizimit të projektit televiziv “Më thuaj një dëshirë” ne morëm një mesazh, dëshirën e një vajzë të vogël, që dëshironte sikur një herë në jetën e saj të kishte tyrezën në shtëpi të mbushur plot e përplot me ushqime”, tha Fjoralba.
