A keni besuar ndonjëherë te Babagjyshi? A e keni pasur dhe ju një të tillë? Po një sekret?
Pikërisht këtë frymë magjie, të munguar për disa breza, kërkon ta përcjellë anembanë vendit, këtë vigjilje festash, nisma “Babagjyshi Sekret”. “Babagjyshi Sekret” është një nismë e konceptuar dhe e zbatuar nga organizata “Ura”dhe kompania Connext me mbështetjen e Neë Media Communications në zhvillimin e “ingranazhit” të projektit, platformës online ëëë.babagjyshisekret.al. Ndodh pikërisht në pragun e festave të fundvitit, që dëshiron të dërgojë sa më shumë buzëqeshje tek ata, për buzëqeshjen e të cilëve shoqëria jonë ka më shumë nevojë. Fëmijë të buzëqeshur, e ardhme optimiste edhe për Shqipërinë.
Projekti filloi maratonën e vet të fundvitit më datën 06 dhjetor me pranimin e letrave të dëshirave nga fëmijë të ciklit të ulët e të lartë 9-vjeçar nga mbarë vendin. Ku tjetër? Adresa për dërgimin e letrave nga çdo pikë e Postës Shqiptare drejtuar: Babagjyshit, Poli i Veriut, Kutia Postare 47, deri më 25 Dhjetor.
Megjithëse sekret, siç do mirëbërës anonim, Babagjyshi mund të jesh ti. Mund të jetë çdo shqiptar, që gjithsesi tradita na e do të jemi bujarë.
Bashkohu duke u bërë babagjyshi i një dëshire fëminore, apo edhe duke nxitur një fëmijë të shprehë dëshirën e fundvitit. Vizito platformën ëëë.babagjyshisekret.al dhe rezervo letrën tënde, ndiq hapat dhe dhuro buzëqeshje.
Pavarësisht si e kemi menduar deri më sot, këtë fundvit UNË , TI, NE, zgjedhim të besojmë në Babagjyshin Sekret!
Dëshiron të jesh ti Babagjyshi sekret?! Dhuroji buzëqeshjen një fëmije kështu!
