Tronditëse dëshmia e familjarëve të Aida Koçit, 35-vjeçares, që humbi jetën së bashku me foshnjën në maternitetin “Koço Glozheni” në Tiranë. Në një rrëfim për “News 24”, kunati i gruas rrëfen gjithë sa ndodhi, duke akuzuar mjekët e këtij materniteti për neglizhencë totale në trajtimin e saj. Gruaja që humbi jetën kishte dy fëmijë të tjerë, një djalë dhe një vajzë dhe priste edhe këtë vajzë. Ata thonë se bashkëshorti i gruas jeton në Itali dhe është nisur pas lajmit që mori. “Unë e mora kunatën gjallë drejt maternitetit, t’u coja dy fëmijëve të tjerë një bebe në shtëpi, e jo të mos i ktheja më as nënën”- tha kunati.
Rrëfimi
Erdhëm nga ora 09.30 pasi ajo pati komplikacioni, e sollëm me urgjencë për 10 minuta ishte në gjendej të rënduar. E zbresim nga makina, shkojmë në urgjencë, urgjenca ishte e mbyllur me kyc, pritëm 20 minuta për t’u hapur urgjenca, e hapi infermierja, nuk kishte as stol ku të ulej, po e mbanim nga krahët, ajo ishte me të vjella. Ajo mori mjeken dhe e sinjalizoi, vjen mjekja dhe një mjek pas gjysmë ore tjetër. E futën brenda, pasi e pyetën se ku i dhemb e nxorën jashtë, thanë është për në QSUT, jo për ne. Pa i bërë asnjë lloj analize e përcollën.
Në QSUT i doli gjithçka në rregull, ata na thanë mos ka të ftohur, e nisëm në Sanatorium, atje doli prapë e pastër, nuk kishte probleme. Nga Sanatorium prapë në maternitet, aty mbërritëm në orën 02:00 me ambulancë, me oksigjen. Këtu ndenjëm me ambulancë me dyer të hapura, sepse nuk kishte barrelë, njerëz që ta merrnin dhe as oksigjen, e për ta marrë oksigjenin duheshin 20 minuta. E futën brenda, pas dy orëve ka ardhur kirurgu. E futën në operacion, na thanë që foshnja ka vdekur të shpëtojmë të madhen, tani. Nuk di cfarë i bënë, por në fund doli e vdekur.
