Vesel Kurtishaj, fituesi i edicionit të fundit të “Big Brother Albania” u promovua mjaft në media pas përfundimit të spektaklit. Pas u bë i njohur përmes “Vllait të madh”, E pamë pjesëmarrës tek spektakli “Dance with me”, ku edhe u shpall fitues së bashku me parneren e tij televizive Alberie Hadërgjonaj.
Gjatë përfundimit të spektaklit ai paralajmëroi se do të realizonte një projekt të ri televiziv në rolin e moderatorit në një nga televizionet e Kosovës. Por mesa duket planet nuk kanë shkuar ashtu siç Veseli dëshironte.
“Isha në bisedime për një projekt të ri në televizion, madje nuk kam pasur vetëm një ofertë, por që në fund nuk arriti të merrte formën e plotë për disa arsye të ndryshme”- ka thënë ai për Telegrafin.
Momentalisht ai është duke kaluar kohë më familjen, pasi gjyshja e ti ka probleme shëndetësore. Megjithatë ai ka premtuar se së shpejti do të ta shohim sërish në ekran me projekte të reja.
