Një ceremoni madhështore, e gjitha sipas traditës shqiptare me dëshirë të qartë të nuses. Kështu ka qenë disa ditë më parë dasma e vajzës tashmë nuse e nënë nga Elbasani Jona Kalemaj, dikur finaliste në Big Brother. Një vit pasi u bë nënë e një vajze, Jona dhe partneri i saj vendosën të bëhen zyrtarisht burrë e grua. Nga fotot por edhe nga rrëfimi i protagonistes, kuptohet që gjithçka ka qenë e menduar mirë deri në detaje, e se për këtë ditë të veçantë është investuar shumë. Rrallëherë të ndodh të dëgjosh që në një dasëm të këndojnë plot 6 artistë, ndër emrat më të paguar të tregut. “Lezeti i dasmës ishin edhe këngëtarët Aurela Gaçe, Eli Fara, Gerta Mahmutaj, Mariola Kaçani, Arianit Kaçani dhe Arianit Hoxha. “Kisha thënë që do të bëja një dasmë tradicionale, ku lulet do m’i sillte vajza ime. Bëra një dasmë sipas traditave tona shqiptare”, ka thënë Jona në një intervistë për “Bluetooth”. Më tej ajo është pyetur edhe për bashkëshortin e saj, i cili megjithëse ka një grua të famshme nuk ka dëshirë aspak të bëhet njeri i njohur. “Nuk e kuptoj kuriozitetin e tepërt që është ndaj imazhit të bashkëshortit tim. Ai ka vendosur të mos jetë një person publik. Nuk e kam thënë kurrë që është biznesmen i fuqishëm. Ai është një njeri me zemër dhe mendje të fuqishme. Ka nje biznes të vetin në Itali, por është një njeri i thjeshtë”, është shprehur ish-finalistja e Big Brother.
