Që nga mbrëmja e kaluar kur Lori Hoxha publikoi videon me momente nga prapaskenat e dasmës dhe gjithë përgatitjet, e gjithë vëmendja u kthye edhe një herë tek 11 gushti. Dasma e shumëpërfolur tashmë nuk është e veshur me aq mister sa dikur. Pas fotove të publikuara nga vetë nusja me momentet më të bukura kjo video ka zbuluar pak nga detajet që askush nuk i ka vënë re, mbase as të ftuarit. Ledioni ka vendosur si butona këmishe ditën e dasmës ato që dikur përdorte babai i Sarës, Dritani. 
Ky moment është ndër më emocionuesit dhe një përpjekje shumë e bukur për ta bërë atë pjesë të ditës më të rëndësishme për vajzën. Pavarësisht mungesës duket se themeluesi i ‘Top Channel’ ka qenë aty në zemrat e të gjithëve dhe në detaje të tjera.
Krahas këtij detaji, Lori në video ka zbuluar edhe dedikimin që Ledioni i ka dërguar përpara dasmës bashkëshortes së tij. Fjalët më të ëmbla, një tufë trëndafila të kuq dhe shumë dashuri, janë gjithçka ka shoqëruar orët para finalizimit.
Ndërkohë që surprizat nuk mbarojnë. Sara ka publikuar pak më parë edhe ftesën e dasmës.
Duhet thënë që është ndër më të veçanta që keni parë ndonjëherë. Dhe për detajet është kujdesur me shumë dashuri vetë nusja./revistawho.com
