Roza Lati ka treguar shpesh se lidhja e saj me natyrën është shumë e fortë, aq sa dhe habitatin e saj në shtëpi e ka shndërruar në një “pyll të vogël”. Mbrëmjen e djeshme Roza ka zbuluar se dhomën e saj e ka të mbushur me lule dhe pemë nga më të ndryshmet. Ajo ka treguar se në shtëpi ka vazo me me pemë mandarine, me lule fasule, me palmë, kaktus dhe lloje të tjera bimësh. Duke qenë se disa prej tyre lëshojnë oksigjen gjatë natës janë perfekte për t’u mbajtur në dhomë gjumi. Me këtë gjë Roza ka treguar se përtej ekranit, është një vajzë shumë e kujdesshme dhe e thjeshtë. “Të jetuarit vetëm mua më ka bërë të krijojë një habitat me dërrasa bime dhe kafshe. Ndryshe nga ajo Roza me xixa dhe taka që njihni ju. Personaliteti i një binjaku”, ka shkruar Roza bashkangjitur një videoje të shkurtër.
Moderatorja e njohur mban në shtëpinë e saj edhe dy qen, për të cilët tregon një kujdes të jashtëzakonshëm. Kujtojmë se Roza ka qenë ndër të parët personazhe të njohur që ka dalë publikisht në mbrojtje të kafshëve dhe mund të kuptohet fare qartë se dashuria e saj ndaj çdo gjëje në planetin Tokë është reale. /revistawho.com
