Mbrëmjen e kaluar me një ceremoni madhështore u celebrua dashuria e reperit Gjiko dhe moderatores Elita Rudi. Sigurisht që pjesë e dasmës ishin dhe disa nga personazhet më të njohur, të cilët bënë publike disa momentet më të veçanta të saj. Të veshur me klas dhe shumë kujdes, asgjë që lidhej me ta nuk kaloi pa u komentuar. Ndër veshjet më të komentuara ishte ajo e Ariana Fejzullahut, bashkëshortes së këngëtarit të njohur.
Ndryshe nga të tjerët, bukuroshja kishte zgjedhur që të vishte atlete poshtë fustanit të gjatë. Shumë pak i kanë vënë re, derisa sot vetë Ariana publikoi disa foto me veshjen e plotë. Fustan i kuq, pjesërisht tyl dhe me gurë në pjesën e sipërme është kombinuar me atlete në ngjyrë të bardhë, gri dhe të verdhë.
Nëse zgjedhja ka pasur si justifikim komfortin, çdo femër do e kuptonte, por edhe nëse nuk është kështu, Ariana ka ditur si të fitojë vëmendjen gjatë mbrëmjes së veçantë./revistawho.com
