Teksa dhjetori afron, të gjithë përpiqen të gjejnë mënyrën më të bukur për të surprizuar personat më të rëndësishëm në jetë. Në një nga rrugët e kryeqytetit e shkelur pothuajse çdo ditë nga të gjithë, në një vitrinë shumë tërheqëse për kalimtarët shkruan: “Dhuro një emocion“ dhe bashkangjitur qëndron një kuti e stërmadhe me ngjyra festive.
Është pikërisht vitrina e ‘Oazit Festiv’, një punishte kreativiteti e cila ka zgjedhur një mënyrë shumë të veçantë për t’ju surprizuar duke na kthyer pas në kohë! Një retrospektivë me shkrimin e letrave. Edhe nëse nuk e keni jetuar, me siguri keni dëgjuar për kohën kur mjeti kryesor i komunikimit ishte shkrimi në letër. Në një zarf të vogël, që jo rrallë herë kalonte oqeanet fshiheshin ndjenja të sinqerta të cilat shpërndanin lumturi. Pikërisht këtë do të ofrojë edhe ‘Oazi Festiv’, jo me pëllumb, as me shishe, por në një mënyrë më moderne.
Nga dita e nesërme deri në datën 15 dhjetor secili prej jush do të ketë mundësinë të vendosë brenda kutisë një letër të cilën dëshironi me patjeter t’ia dërgoni dikujt këtë fundvit.
Letrat do të nisen të shkruara me dorë ose në kompjuter sipas preferencës së gjithsecilit. Letra juaj do të vendoset në një zarf të veçantë krijuar në menyrë artizanale nga ‘Oazi Festiv’ dhe shërbimi i postës do të mbulohet plotësisht prej tyre. Gjithçka me një kuotë minimale prej 1.300 lekësh të reja.
Nëse doni të kërkoni falje për një gabim, të tregoni mirënjohje për dikë që ka sakrifikuar për ju, ose dashuri për persona që i keni në mendje dhe zemër, mjafton të drejtoheni tek ‘Oazi Festiv’ dhe stafi do të jetë në shërbimin tuaj për çdo kërkesë. Këtë fundvit le të dhurojmë dashuri, të heqim një brengë dhe të bëjmë dikë të lumtur!
Rregullat e projektit:
- Tekstet e letrave do të jenë krijim personal, nuk krijohen nga stafi. Mund të përcillen tek “Oazi festiv” me dorëshkrime ose nëpërmjet rrugëve elektronike dhe stafi mundëson printimin e tyre.
- Do të ruhet privatësia juaj dhe letrat që vijnë të mbyllura (jo elektronikisht) nuk do të hapen nga stafi. Ato do të futen në një nga zarfet e përgatitur sipas zgjedhjes suaj.
- Bërja publike e letrave tuaja është e palejueshme, vetëm nëse kjo është e kërkuar nga ju dhe e vendosur për mënyrën se si.
- Pritja e letrave do të ketë afat përfundimtar datën 15 dhjetor.
- Dorëzimi do të ketë afat përfundimtar datën 30 dhjetor.
- Këto rregulla vlejnë që ky bashkëpunim të jetë në funksion të qëllimit: “Të përcjellim një emocion”. Për çdo diskutim mbi funksionimin kontaktoni me stafin./revistawho.com
Për të kontaktuar me stafin:
+355 69 394 8283
https://www.facebook.com/OaziFestiv/
