Pas një periudhe të gjatë heshtjeje që pas incidentit në “Big Brother VIP”, Jozefin Marku më në fund ka reaguar publikisht në emisionin “Goza dhe Gra”. Për herë të parë, ai adresoi drejtpërdrejt zërat që e lidhin me një rast të dhunës ndaj ish-partneres së tij në Zvicër.
I pyetur nga moderatorja Loredana nëse janë të vërteta akuzat për dhunë, Jozi reagoi ashpër:
Loredana: “A është e vërtetë që ke përdorur dhunë në Zvicër?”
Jozi: “Patjetër që do ta mohoj, kjo është një shpifje nga disa njerëz pa asnjë lloj vlere që shpifin. Dikush nëse unë kam bërë një gjë të tillë, në qoftë se tregojnë letrat, unë e di si jam vetë, kanë hedhur shumë gjëra për mua. Unë e njoh veten e di çfarë kam bërë. Fama nuk është e lehtë. Mundet të dalë dikush me prova… nuk janë aspak të vërteta.”
Përveç kësaj, Jozi u pyet edhe për marrëdhënien me Gjestin pas incidentit që ndodhi në spektakël. Ai tregoi se nuk ka pasur komunikim me të, por i dëshiron të mirat:
Gerta: “Ke pasur kontakte me Gjestin pas incidentit?”
Jozi: “Kontakt me gjestin nuk kemi pasur. Kemi shumë miq të përbashkët, por akoma nuk kemi pasur kontakt. Kam kërkuar të dëgjoj veten më shumë, jam munduar ta kaloj situatën në mënyrën më të qetë. I jam përkushtuar muzikës. Shumë suksese gjestit, thash më parë keqardhjen që është ndjerë keq dhe e ka përjetuar keq. Jeta vazhdon.”
