Dhurata Ahmetaj: Lidhja ime, me peripeci si të gjitha

“Dashuria ime është aty ku duhet me të gjitha peripecitë e veta që i ka secila lidhje”. Kështu ka deklaruar këngëtarja seksi kosovare Dhurata Ahmetaj, lidhur me romancën që po jeton prej muajsh. Dhurata nuk ka dashur të specifikojë se për çfarë bëhet fjalë, por me gjithë vështirësitë që nënkupton në këtë deklaratë për Indeksonline, ajo shfaqet e lumtur. Këngëtarja tashmë e tregon hapur dashurinë për sipërmarrësin bukurosh nga Prishtina Argjent Haradinaj. Duket se çifti përveçse po dashurohen, edhe po bashkëpunojnë. Vetë Dhurata shprehet se të dy janë të fokusuar tek puna. “Neve na lidh edhe puna shumë kështu që mund të them se plani i vetëm për momentin është të punohet për projektet e radhës dhe të sillen projekte sa më kualitative për përkrahësit e mi, edhe pse jeta është plot surpriza”, ka thënë ajo. Së fundmi Dhurata ka publikuar këngën e saj “Bone pa mu”, dhe pritet që në vjeshtë të sjellë edhe hitin e radhës.