Sean ‘P Diddy’ Combs ka dalë fuqishëm kundër akuzave të fundit, duke i hedhur poshtë ato si “kategorisht të rreme” dhe duke mohuar me vendosmëri çdo keqbërje. Reperi dhe producenti 54-vjeçar i muzikës po përballet me sfida të reja ligjore, pasi avokati Tony Buzbee njoftoi se deri në 120 individë po përgatiten të ngrenë padi kundër Combs, duke pretenduar forma të ndryshme shfrytëzimi dhe abuzimi.
Akuzat e reja vijnë ndërsa Diddy mbahet në Qendrën e Paraburgimit Metropolitan të Bruklinit, në pritje të gjykimit për akuza të veçanta. Në përgjigje të pretendimeve të fundit, avokatja e tij Erica Wolff lëshoi një deklaratë në emër të tij, duke mohuar të gjitha akuzat.
“Siç ka theksuar ekipi ligjor i z. Combs, ai nuk mund të adresojë çdo akuzë të pameritë në atë që është bërë një cirk i pamatur mediatik,” thuhej në deklaratë. “Z. Combs në mënyrë prerazi dhe kategorikisht mohon si të rremë dhe shpifës çdo pretendim”.
