Për të gjithë shikuesit shqiptarë ajo do të mbetet “Didi”, e dashura e “Florit” në telenovelën e parë shqiptare “Njerëz dhe Fate”. Por për publikun kosovar, Arta Muçaj ka edhe shumë role të tjera për t’u kujtuar. Kjo është edhe arsyeja pse lajmet për të vijnë gjithmonë nga Kosova. Ka qenë programi “Express Rozë”, ai që na ka informuar këtë herë për të rejat nga jeta private e aktores, e cila prej vitesh jeton në Australi. Sipas burimeve të këtij programi, Arta i ka dhënë fund martesës së saj 5-vjeçare, por megjithatë do të vijojë të jetojë në Australi ku ka një kontratë filmi… Një jetë e re duket se po nis për të.
