Diedoni: S’ka më dashuri midis meje dhe Albës

“Dashuria është si një tigan me ujë që vlon në zjarr. E nëse ia zvogëlon nxehtësinë zjarrit, ose në qoftë se e heq zjarrin, ajo ndalon së vluari. Kështuqë aty zjarr nuk kishte, pra zjarr nuk ka më mes nesh”. Këto janë fjalët e Diedonit lidhur me marrëdhënien me Albën, prej së cilës u nda para pak kohësh. Në një intervistë për gazetën “Panorama”, djali nga Kosova u shpreh se lidhjen me ish banoren e “Big Brother” ka nisur ta harrojë. Diedoni flet edhe për takimin e rastësishëm që ish çifti pati në Tiranë. Sipas tij, ata janë përshëndetur e kanë folur me dashamirësi. Dieoni tregon edhe se si e dëshiron ta ketë partneren e tij të ardhshme duke thënë: Besoj se e rendësishmë është që ajo të cilën do e kem në krah, të dijë të vlerësojë të mirën e vogël më shumë se sa të keqen e madhe.