Shqipëria vijon të jetë nën ndikimin e masave ajrore të qëndrueshme dhe të nxehta. Moti do të jetë i kthjellët në pjesën më të madhe të territorit përjashtuar vranësirat kalimtare në relievet malore në lindje. Këto vranësira do të shoqërohen me reshje shiu të cilat do të jenë edhe në formën e shtrëngatave të shoqëruar me shkarkesa elektrike dhe breshër.
Moti për ditën e premte në Shqipëri do të jetë i nxehtë, i kthjellët e me diell. Pasdite vende-vende edhe me rrebeshe shiu e shtrëngata. Temperaturat për ditën e sotme do të luhaten nga 28 deri në 36 °C.
Të shtunën do të mbajë mot i nxehtë, i kthjellët e me diell, gjatë pasdites vende-vende reshje shiu në formën e shtrëngatave të shoqëruar me shkarkesa elektrike dhe breshër. Temperaturat parashikohet të lëvizin prej 25 deri në 33 °C.
E diela nis me mot kryesisht të kthjellët e me diell, pasdite priten reshje shiu, vende-vende në formën e shtrëngatave të shoqëruar me shkarkesa elektrike dhe breshër. Temperaturat parashikohet të lëvizin prej 24 deri në 30 °C./revistawho.com
