Diellza Kolgeci: I dashuri im, njeri modest. Nuk dua dasmë të madhe, do krijoj familje së afërmi

Ylli i ekranit kosovar, Diellza Kolgeci, në një rrëfim të bërë sot për gazetën “Paloma” ka ndarë me lexuesit detaje nga jeta e saj private. Kështu p.sh., ndonëse nuk preferon të flasë shumë për historinë e saj të dashurisë, ajo e ka përshkruar në këtë mënyrë djalin që i ka vjedhur zemrën: “Ai është një njeri modest, me profesion arkitekt, jeton në Prizren dhe nuk është prej atyre njerëzve që e kanë qejf të jenë në media dhe kjo më pëlqen. Emri i tij është Noli”, – ka thënë Diellza. E pyetur mbi mundësinë e një dasme, miss-i nga Kosova me profesion avokate ka thënë: “E kam parë veten si nuse duke qenë modele për shumë kompani që kanë specialitet fustanet e nusërisë, por sa për dasmë më shumë më pëlqejnë festat e vogla, apo ndonjë udhëtim i bukur që do të simbolizonte një fillim të një jete të re”, – është përgjigjur ajo, duke dhënë gjithashtu edhe një deklaratë mbi mundësinë për t’u bërë nënë. “Për t’u bërë nënë kam një kohë që mendoj, planifikoj… kam shumë presion nga familja dhe shoqëria. Besoj në një të ardhme të afërt”, – ka pohuar Kolgeci.