Kate Hudson është një prej yjeve tek të 30-at më në formë të showbiz. 34 vite dhe një fizik që të lë pa frymë, e bija e Goldie Haën, trashëgon me siguri gjenet e së ëmës. Megjithatë, një postim i saji në Instagram së fundi, tregon se merita mund të jetë edhe e një diete të veçantë.
Dhe ndoshta falë kësaj ka rrëmbyer dhe zemrën e Brad Pitt…
Në foto mund të shikoni një seri kavanozash, secili i lidhur me një ditë të javës, që përmbajnë vaktet e aktores: “pastrimi i supës fillon #FirstDayTheHardestDay #MondayMotivation”, citohet në mbishkrim.
Bëhet fjalë për programin “The Soup Cleanse”, përpiluar nga nutricionistia e Los Angeles Elissa Goodman, i ndërtuar nga 5 ditë dhe me bazë ushqimi biologjik, secili i etiketuar për ditën e javës në të cilën duhet konsumuar.
Të ndërtosh një regjim hipokalorik (pa karbohidrate, produkte qumështi dhe sheqerna të shtuara), çfarë efektesh përfshin në organizëm?
Sipas biologes dhe nutricionistes Laura Zambrano: “një supë mund të përmbajë drithëra, bishtaja e perime dhe të sigurojë një sasi të caktuar nutrientësh, duke rezultuar mjaftueshëm e kompletuar nga pikëpamja nutricionale. Në të kundërt, mund të përmbajë për shembull, vetëm perime dhe të jetë e dobët, duke shkaktuar mangësi ushqimore, nëse merret si burim i vetëm ushqyerje”, shkruan Elle.it.
Për sa kohë mund të mbahet një dietë e këtij lloji? “Nëse vendosni të ndiqni një regjim ushqimor hipokalorik për një ose dy ditë, ndoshta pas një dite me kalori të tepruara, do të ketë rezultat në procesin e lehtësimit të tretjes. Nga ana tjetër, ndjekia e regjimeve hipokalorike nga vetë ju, ndoshta të udhëhequr ndoshta nga moda e momentit, mund të jetë me rrezik. Këshilla është t’u besoni gjithmonë profesionistëve, të cilët dinë se si të përcaktojnë si duhet nevojat ushqimore dhe nga ato, të ndërtojnë regjime ushqimore adekuate, të cilat mund të ndiqen edhe për periudha të gjata kohe, pa u vënë në rrezik”./ikub.al.
