Gazetarja Mira Kazhani disa vite më parë ka prezantuar një prej emisioneve më të ndjekur të mëngjesit. “Wake Up” i transmetuar në “Top Channel” e solli Mirën në rolin e prezantueses.
E ftuar në emisionin “Një kat më lartë” Kazhani ka folur për këtë eksperiencë të saj televizive duke ndarë me shikuesit edhe detaje mbi largimin e saj nga emisioni i mëngjesit.
“U largova nga “Wake Up” sepse nuk puqesha me tipin e Enos dhe mënyrën si bëhej emisioni. Do e shoh emisionin kur të ndryshojë format, sepse tani e di çfarë do thonë, e kam mësuar tanimë” -ka thënë gazetarja.
Mira ka pasur edhe një tjetër eksperiencë në ekranin e “Top Channel” pasi në një prej edicioneve të “Big Brother” ju besua roli i opinionistes, e cila me komentet e sinqerta dhe të drejtëpërdrejta u pëlqye shumë nga publiku./revistawho.com
