Dikur duhet të blenim albumet, tani duhet të shohim ‘story-t’. Trendi më i ri i këngëtarëve për të promovuar këngët e tyre

Për të shijuar një këngë të bukur dikur duhet të prisnim rastin kur këngëtari do të shfaqej në një emision për ta performuar apo duke i blerë diskun e albumit.
Por teknologjia dhe rrjetet sociale e kanë lehtësuar shumë punën e këngëtarëve tashmë.
Mjafton që të publikohet një këngë e re dhe në adresën e këngëtarit që e këndon atë postohen pafund video të njerëzve të thjeshtë duke e kënduar.
Kjo është një mënyrë shumë e mirë për promovimin e materialit të ri muzikor i cili bëhet viral në kohë rekord, edhe pse herë pas here bëhen të bezdishme dhe të lodhshme për veshin.
Ky trend madje është kthyer edhe në shkak për hatërmbetje midis kolegëve, të cilët mund të mos postojnë në profilet e tyre materiale të njëri-tjetrit./revistawho.com