Një gotë wisky e shoqëruar me lëng frushtash (canneberge) për të rritur adrenalinën e munguar. Edhe pse nuk e shfaq që gjëndja e tij shpirëtërore nuk është e mirë, Pirro mundohet ta kthejë dhimbjen në forcë. Dhe mënyra që ka gjetur mesa duket qenka alkooli. Kjo është shija që i ka mbetur këngëtarit pas divorcit, ndërsa gotat pasojnë njëra-tjetrën. Ja tek duket qartë që është ‘i përhumbur’ nën efektin e pijes që mban në dorë. Por gjithashtu e shohim edhe tek këndon i gëzuar mes femrave.
Për Pirron e rëndësishme është muzika
Turneu amerikano-verior i dy yjeve të pop-rrokut shqiptar, Pirro Çako dhe Alban Skenderaj, filloi në 29 Mars në New-York, vazhdoi në Connecticut e në Boston e përfundoi në 5 Prill, në Toronto, Kanada, ku ishte dhe stacioni kulmor i këtij turneu. Në 5 Prill, në koncertin përmbyllës të turneut në Toronto, salla qëndrore te Paradise Banquet & Convention Centre, këndoi e vallëzoi shqip për gjatë 4 orëve. Një natë e paharruar jo vetem per publikun por dhe per artistet. Nje pranvere e vertete shqiptare ne Toronto.
Pirro dhe fanset e tij
Ndërsa në gjykatën e Tiranës, martesa e Inva Mulës me Pirro Çakon hidhej në short për të gjetur gjyqtarin e anullimit, kantautori i njohur rikonfirmonte në anën tjëtër të oqeanit “dashurinë e munguar” me shqiptarët që u larguan nga vendi, para se Pirro të kthehej triumfalisht në tregun muzikor shqiptar. Për lajmin e divorcit, artisti kishte dijeni sa një lexues mesatar interneti.
Pirro Çako & Mishel Koçiu përsëri bashkë pas 20 vjetësh
Në vitet ‘88-‘89, të dy shumë të rinj në Radio Tirana, ishin autorët e parë të programit “Për Ju Pushues” të kanalit të 2-të të Radios, me muzikë e intervista nga plazhet. Nëse në atë kohë ata e fusnin muzikën e huaj në transmetim, duke e maskuar p.sh. muzikën e “Modern Taking” , si “Këngë Qytetare Angleze-këndojnë dy burra”, sot takohen për herë të parë pas 20 vjetësh, në një metropol të huaj, në përpjekje për të përcjellë muzikën shqip pranë shqiptarëve të përtejoqeanit.
Si në kohën e festivaleve
Organizatorët e Koncertit, të mirëmësuarit e festivaleve, ish-regjisori i TVSH-së Gjergj Rita dhe kolegu i tij Mishel Koçiu, u ritakuan me artistet tashmë jo në një terren Festivali të Këngës në Televizon, por në një koncert mijëra kilometra larg nga Pallati i Kongreseve të Tiranës, në një tjetër sallë shfaqjesh (Paradise Banquet & Convention Center), të një metropoli 5 milionësh si Toronto.
Turneu i teritalit dhe i xhinsit
Pirro Çako & Alban Skenderaj – Para shfaqjes në Toronto. Sipas fjalëve me humor të Pirros : « Ky është turneu i Teritalit dhe Xhinsit. Jam i habitur sa në harmoni kemi qenë. Unë i përkas dy kohëve, por ndjej që kuptohem mirë me brezin e xhinsit dhe atleteve, jo vetëm në muzikë por dhe në shoqërinë e përditshme”
Ky shkrim u botua më 11 prill 2009 në “Gazeta Shqiptare”
