Bradley Cooper ka qenë për vite me radhë një nga figurat më të admiruara të Hollywood-it, simbol i karizmës dhe pamjes perfekte. Por së fundmi, paraqitjet e tij publike kanë ngritur pikëpyetje: a ka ndryshuar diçka në fytyrën e aktorit?
Zërat për ndërhyrje estetike janë shtuar pas disa daljeve të fundit, ku shumë ndjekës në rrjete sociale kanë vënë re se Cooper dukej ndryshe nga më parë. Këto komente nuk kaluan pa u vënë re, duke e shtyrë aktorin të reagojë publikisht.
I ftuar në podkastin “SmartLess”, ku bisedoi me Jason Bateman, Sean Hayes dhe Will Arnett, tema e thashethemeve u prek drejtpërdrejt. Gjatë diskutimit, Arnett kujtoi momentin kur iu kërkua të tregonte diçka për Cooperin që publiku nuk e di. 
“Unë thashë, ‘Epo, ka shumë‘,” tha Arnett. “Dhe pastaj po mendoja, ‘Sepse vazhdojmë të lexojmë se të gjithë mendojnë se Bradley ka bërë operacione plastike. Të gjithë e thonë këtë. Dhe unë u thashë, ‘Ajo që njerëzit nuk e dinë është se ai nuk e ka bërë atë’,” shtoi ai.
Bashkëprezantuesi Jason Bateman e përforcoi këtë ide: “Se ai nuk e ka bërë atë.” Ndërsa Arnett këmbënguli: “Po. Sigurisht që nuk e ka bërë.”
Vetë Cooper reagoi me një dozë ironie ndaj komenteve që po qarkullojnë. “Po, për dy javët e fundit njerëzit kanë ardhur tek unë dhe më kanë folur”, tha ai, duke shtuar: “Ata po thonë, ‘Oh, dukesh mirë! Po, po, por është çmenduri’”, duke mohuar zërat se kishte “ndryshuar” pamjen e tij.
Në fund të bisedës, Will Arnett u ndal te fenomeni i thashethemeve në internet: “Por më bëri të mendoj… Më bezdisi sepse e thonë gjatë gjithë kohës dhe është qesharake. Të gjithë mendojnë se e dinë. Ju i lexoni këto gjëra të kota.”
Spekulimet për një ndërhyrje kozmetike nisën pas disa fotografive të publikuara në muajt e fundit, të cilat ndezën debat në rrjete sociale. Megjithatë, sipas vetë aktorit dhe miqve të tij, ndryshimi që publiku po vëren nuk ka lidhje me bisturinë, por me perceptimin dhe filtrin e thashethemeve online.
Nga “mashkulli më seksi” i ekranit, te një figurë që sot komentohet për çdo detaj të pamjes – Bradley Cooper vazhdon të jetë në qendër të vëmendjes, edhe kur thjesht shfaqet… ashtu siç është.
