Pak ditë më parë mori të gjithë vëmendjen e medias dasma e bloggeres italiane Chiara Ferragni. Fustanet e saj u adhuruan nga shumë femra dhe të gjitha thurën ëndrra teksa shikonim postimet e saj në ditën më të bukur të jetës. ‘Dior’ ishte emri i zgjedhur nga Chiara për t’u veshur në ditën e dasmës dhe duhet thënë që të gjithë u magjepsën nga pamja e saj.
Por edhe një shqiptare paska zgjedhur ‘Dior’ si veshjen perfekte për një dasmë. Lori Hoxha një nga vajzat më me stil në Shqipëri dhe padyshim një emër që njihet për shijen e hollë në zgjedhjen e veshjeve ka publikuar disa foto të tjera nga dasma e motrës së saj, Sara. Fustan i gjatë i ‘Dior’ me prerje të rafinuar dhe me gurë ka qenë zgjedhja e bërë nga bloggerja shqiptare në ditën e veçantë. Krahas albumit ajo ka shkruar: “Ndërsa presim për më shumë foto”.
https://www.instagram.com/p/BnTtL9HAkNm/?taken-by=lorihoxha
Kujtojmë se dasma e Sara Hoxhës u zhvillua në Itali dhe u bënë përpjekjet maksimale për ta mbajtur sa më private. Vetë Lori deklaroi para pak ditëve se nuk kishte marrë ende fotot e dasmës prandaj nuk ishin publikuar./revistawho.com
