Besa Kokëdhima është surprizuar sërish edhe pse ditëlindja ka disa ditë që ka kaluar. Urimet në përvjetorin e këngëtares qenë të shumta, por ndër ta ra në sy ai i mikeshës së ngushtë, Elvanës, e cila publikoi disa foto dhe video të të dyjave bashkë me një urim shumë të ndjerë.
Mbrëmjen e djeshme Besa është surprizuar përsëri, por këtë herë me një buqetë shumë të bukur dhe dedikim. Këtë herë Elvana kishte shkruar: “Të dua shumë dritë. Gëzofsh përjetë”. Shkrimi duket se e ka emocionuar shumë Besën, e cila e ka ndarë me të gjithë surprizën duke e falenderuar miken e saj publikisht.
Kujtojmë se dy këngëtaret janë mikesha të ngushta prej vitesh. Ato kanë folur shpesh për miqësinë e sinqertë me njëra-tjetrën në intervista të ndryshme, duke treguar se kanë një raport shumë të mirë dhe takohen aq shpesh sa munden. /revistawho.com
