Britney Spears nuk është shprehur aspak entuziaste për dokumentarët e realizuar për të vitet e fundit. Ajo ka rrëfyer ndjesitë që ka pasur për dokumentarin që është bërë së fundmi për të.
Dokumentari i New York Times “Framing Britney Spears” që u publikua në shkurt të vitit 2021 dhe ai i Netflix “Britney vs. Spears”, publikuar në shtator 2021 eksplorojnë seksizmin me të cilin u përball Spears gjatë famës dhe kujdestarinë ligjore 13-vjeçare.
Ylli i muzikës pati një betejë të gjatë ligjore kundër babait të saj, i cili ishte kujdestari i saj, përpara se të fitonte përfundimisht pavarësinë në nëntor të vitit që shkoi. Këngëtarja shprehet se dokumentarët kishin një ton poshtërues duke e krahasuar me atë që i ka bërë familja e saj.
“Seriozisht, mendoni pak, unë kurrë nuk kam parë kaq shumë dokumentarë të realizuar për një person as për Will Smith, Gwyneth Paltrow apo Jennifer Lopez. Asnjë person në botë nuk do të mundte një rrjet, prodhim televiziv apo ndonjë tjetër për këtë çështje , të paraqiste aq shumë pamje negative dhe të bënte programe duke pretenduar se po ‘më ndihmojnë’. Vërtet??? Ishte gjëja më fyese që kam parë ndonjëherë në jetën time dhe çdo person me të cilin kam folur ka thënë se kjo është arsyeja pse kujdestaria përfundoi. Nuk mund ta kenë seriozisht??? Kjo është gjëja më e trishtueshme që kam parë ndonjëherë në jetën time, kështu që njerëzit vetëm largohen nga ajo që më bënë mua”, ka thënë ajo.
Kujtojmë se pak javë më parë, Spears u martua me të dashurin Sam Asghari në shtëpinë e saj në Thousand Oaks, Kaliforni, mes dhjetrave të ftuarve, përfshirë edhe artistët e njohur si Maddona apo Selena Gomes.
