Në vetëm pak javë moderatorja e dashur për publikun shqiptar, Arbana Osmani pritet të nxjerrë librin e saj të dytë me receta gatimi për të gjithë njerëzit e apasionuar pas kuzhinës. Kësaj here Arbana do të sjellë në të receta të cilat siç ka treguar dhe gjatë kësaj kohe me anë të postimeve të ndryshme në ‘Instagram’, mund të realizohen në vetëm 5 minuta.
Në muajin nëntor libri do të jetë në treg për të gjithë amvisat, ndërsa tashmë Osmani është duke u marrë me detajet e fundit mbi të. Me anë të një postimi në rrjetet sociale, moderatorja ka treguar se për fotografitë e librit është kujdesur regjisori Eduart Grishaj, ndërsa për dizenjimin modern të librit ‘Boldcrest’. “Ja dhe pula me speca, do kemi disa foto të bukura në libër nga @eduartgrishaj me një ‘design’ modern nga @boldcrest. Receta për 5 minuta së shpejti për të gjithë ju”, shkruan Arbana krah fotos ku shfaqet ushqimi i shijshëm që ajo ka përgatitur për drekën e sotme. Përpos tij ajo ka zbuluar dhe një pjesë të mesazheve të shumta në llogarinë e saj, të cilat janë pikërisht për gatimet që ajo i realizon me aq pasion./revistawho.com
https://www.instagram.com/p/B3FAd1AAQYs/
