Në rast se jeni duke menduar shumë mbi gjithçka dhe stresoheni më shumë seç duhet, nuk jeni të vetëm. Megjithatë ju duhet t’i thoni mirupafshim çdo mendimi negativ të 2017 dhe të vini në zbatim disa këshilla të ekspertëve për t’u ndjerë më të lumtur dhe më të qetë.
1. Shmangni lajmet negative. Studimet tregojnë se lajmet negative mund të ndikojnë në shëndetin tuaj mendor. Duhet të hiqni dorë sa më parë nga të tilla lajme që ndikojnë negativisht tek ju, sepse në këtë mënyrë mund ta mbani stresin nën kontroll.
2. Thoni “JO” më shpesh. 2018 duhet të jetë viti që ju duhet të pranoni se nuk mund të bëni çdo gjë. Të thuash “PO” për çdo ofertë, edhe për ato që ju nuk u pëlqejnë mund të ketë pasoja afatgjata për ju.
3. Përdorni rrjetet sociale në avantazhin tuaj. Përdorimi i tepërt i rrjeteve sociale sipas shume studimeve mund të ndikojë në shëndetin tuaj mendor, prandaj nuk duhet që të krijoni varësi ndaj tyre. Megjithatë në kohën digjitale në të cilën jetojmë është e vështirë të qëndrojmë të shkëputur nga rrjetet sociale. Për këtë arsye ekspertët rekomandojnë që të mos ndiqni faqe apo llogari që nuk u bëjnë të lumtur. Gjithashtu duhet të dini se ajo çfarë shikoni në ‘Facebook’ apo ‘Instagram’ thjesht tregon një pjesë shumë të vogël të jetës së një personi.
4. Përpiquni të jeni sa më shumë aktiv. Studimet tregojnë se aktiviteti i vazhdueshëm mund të rrisë humorin tuaj dhe të reduktojë simptomat e depresionit. Përpiquni të merreni me sa më shumë aktivitete fizike gjatë përditshmërisë tuaj duke bërë thjesht një shëtitje apo të përfshiheni në një klasë ‘fitness’-i.
5. Shpenzoni para në sa më shumë eksperienca/aventura. Kujtimet dhe jo gjërat materiale u bëjnë më të lumtur, kur duhet të shpenzoni të ardhurat që dispononi. Udhëtimet janë gjëja më perfekte për humorin tuaj.
6. Dhe më e rëndësishmja vendosni veten tuaj përpara të tjerëve. Është një fakt i jetës se ju nuk mund të kënaqni këdo. Mirëpo i vetmi person që mund ta bëni të lumtur është vetja juaj. Duhet të mësoni të vendosni ndjenjat tuaja përpara të tjerëve si fillim, sepse ju nuk mund t’i bëni të tjerët të lumtur gjatë gjithë kohës./revistawho.com
