Disa mënyra se si ta mbani në kontroll vëmendjen e partnerit tuaj

Të gjithë ata që janë në një lidhje, shpesh hasen me dilema se si ta mbajnë vëmendjen e partnerit në kontroll si në ditën e parë të njohjes. Më poshtë, do t’ju ndihmojmë me disa mënyra se si mund të dukeni gjithmonë tërheqës ndaj personit që keni zgjedhur të keni në krah.
-Buzëqeshni: Qendroni gjithmonë të buzëqeshur, në këtë mënyrë jo vetëm që do të dukeni bukur, por do ta bëni dhe lidhjen më pozitive. Raporti juaj do të jetë optimist, duke lënë mbrapa vështirësitë.
-Qetësohuni: Merrini gjërat me qetësi. Mos u nervozoni! Fundja kjo gjë nuk ju ndihmon, thjesht bën që të largoheni dalëngadalë nga personi që keni në krah. Qetësia duket manhitëse në portretin e një femre.
-Qeshni dhe bëjeni atë të qesh: Të qenurit e qeshur gjatë gjithë kohës ndihmon në një marrëdhënie më të mirë. Në qoftë se ju e bëni atë të qesh, atëherë keni fituar një pikë më shumë, e keni lidhur pas vetes. Të gjithë do të dëshironin të kishin në krahë një person që të nxjerr nga rutina.
– Flisni për gjithçka: Për sa kohë ju keni zgjedhur atë si partnerë, atëherë duhet të tregoni e sinqertë, në mënyrë që ai të dojë të qendrojë me ju gjithmonë. Prandaj rekomandohet të flisni për problemet, vështirësitë dhe ditët e lumtura me njëri-tjetrin.