Orët e vona të natës, shikimi gjatë në ekranin e celularit ose të televizorit dhe shumë faktorë të tjerë kontribuojnë në krijimin e rrathëve të zinj poshtë syve. Gjithashtu duket sikur me shtimin e moshës aq më shumë shtohen dhe më ‘kokëfortë’ bëhen rrathët e zinj. Por duket se e gjitha kjo mund të jetë diçka gjenetike ose e gjitha vjen prej moshës, sepse sa më shumë të plakësh aq më e hollë bëhet lëkura. Megjithatë këtu mund të gjeni disa zgjidhje shumë të vlefshme që do tu ndihmojnë për t’i hequr qafe menjëherë rrathët e zinj poshtë syve.
- Hidratimi është sekreti kryesor
Nëse doni t’i hiqni qafe përdorni një krem të mirë hidratues për lëkurën, i cili zbut lëkurën dhe redukton inflamacionin.
- Shikoni për produktet që irritojnë lëkurën
Rrathët e zinj mund të shkaktohen prej produkteve kozmetike që përdorni vazhdimisht. Mund të jetë diçka që u shkakton alergji ndaj shikoni me shumë vëmendje produktet që përdorni për sytë.
- Ruajeni fytyrën nga ekranet
Sa më shumë kohë të shpenzoni përpara ekranit të celularit, kompjuterit aq më shumë do dëmtoni edhe lëkurën e fytyrës tuaj. Prandaj gjithmonë duhet të përdorni krem me mbrojtje SPF sidomos për pjesën poshtë syve.
- Respektoni oraret e gjumit
Gjumi është shumë i rëndësishëm. Nëse flini shumë do të ulet niveli i kortizolit dhe e kundërta ndodh nëse flini pak dhe kjo gjë shkakton dëmtime të lëkurës. Kur ju flini mirë edhe lëkura juaj e reflekton këtë gjë.
- Ushqehuni shëndetshëm
Shmangni ushqimet që janë shumë të kripura, sepse shkaktojnë ënjtje. Gjithashtu shmangni alkoolin, sepse than lëkurën. Duhet të ushqeheni me antioksidant, fruta dhe perime.
